0
0
ನವದೆಹಲಿ: 2014ರಲ್ಲಿ ಪ್ರಧಾನ ಮಂತ್ರಿ ಪಟ್ಟಕ್ಕೇರಿ, ಪ್ರಧಾನ ಸೇವಕ ಎಂದು ಕರೆದುಕೊಂಡು, ದೇಶದಲ್ಲಿ ಬದಲಾವಣೆಯ ಶಕೆಗೆ ಕಾರಣವಾಗಿರುವ ನರೇಂದ್ರ ಮೋದಿ ಅವರು ಶನಿವಾರ ಹೊಸದೊಂದು ದಾಖಲೆ ಬರೆಯಲಿದ್ದಾರೆ.
2,272 ದಿನಗಳ ಕಾಲ ಪ್ರಧಾನಿ ಪಟ್ಟದಲ್ಲಿರುವ ಮೂಲಕ ಶುಕ್ರವಾರ ಅವರು ಅತಿ ದೀರ್ಘಾವಧಿ ಆಡಳಿತ ನಡೆಸಿದ ಕಾಂಗ್ರೆಸ್ಸೇತರ ಪ್ರಧಾನ ಮಂತ್ರಿ ಎಂಬ ವಾಜಪೇಯಿ ದಾಖಲೆಯನ್ನು ಸರಿಗಟ್ಟಿದರು. ದೇಶ ಕಂಡ ಪರಮೋಚ್ಚ ನಾಯಕ, ನವ ಭಾರತದ ರೂವಾರಿ ದಿ. ಅಟಲ್ ಬಿಹಾರಿ ವಾಜಪೇಯಿ ಅವರು ಕೂಡ ಒಟ್ಟು 2272 ದಿನಗಳ ಕಾಲ ಪ್ರಧಾನಿಯಾಗಿದ್ದರು.
ಮೊದಲ ಸ್ಥಾನದಲ್ಲಿ ಏಳು ದಶಕ ದೇಶವಾಳಿದ್ದ ಕಾಂಗ್ರೆಸ್ ಇದೆ. ಅದರಲ್ಲಿ ಜವಾಹರಲಾಲ್ ನೆಹರು, ಇಂದಿರಾ ಗಾಂಧಿ ಹಾಗೂ ಮನಮೋಹನ್ ಸಿಂಗ್ ಅವರು ಗರಿಷ್ಠ ಕಾಲ ಪ್ರಧಾನಿ ಪಟ್ಟದಲ್ಲಿರುವುದರ ಅನುಕ್ರಮ ಸ್ಥಾನದಲ್ಲಿದ್ದಾರೆ.
ನರೇಂದ್ರ ಮೋದಿ ಅವರು ಸ್ವತಂತ್ರ ಭಾರತದ 14ನೇ ಪ್ರಧಾನಿಯಾಗಿ 282 ಸ್ಥಾನ ಬಲದೊಂದಿಗೆ 2014ರ ಮೇ 26ರಂದು ಪ್ರಮಾಣವಚನ ಸ್ವೀಕರಿಸಿದ್ದರು. 2019ರ ಮೇ 30ರಂದು ಅವರು ಮರಳಿ ಎರಡನೇ ಬಾರಿಗೆ, 303 ಸಂಸದರ ಬಲದೊಂದಿಗೆ ಅದ್ಭುತ ಜನಾದೇಶ ಪಡೆದು ಪ್ರಧಾನಿ ಪಟ್ಟವೇರಿದ್ದರು.
ಒಟ್ಟಾರೆಯಾಗಿ ನರೇಂದ್ರ ಮೋದಿ ಅವರು ಗರಿಷ್ಠ ಕಾಲ ಆಳ್ವಿಕೆ ನಡೆಸಿದ ಪ್ರಧಾನಿಗಳಲ್ಲಿ 4ನೇ ಸ್ಥಾನದಲ್ಲಿದ್ದಾರೆ. ಮೋದಿಯ ನಂತರದ ಸ್ಥಾನದಲ್ಲಿ ವಾಜಪೇಯಿ, ಕಾಂಗ್ರೆಸಿನ ರಾಜೀವ್ ಗಾಂಧಿ, ಪಿ.ವಿ.ನರಸಿಂಹ ರಾವ್ ಇದ್ದಾರೆ. 1000 ಕ್ಕೂ ಕಡಿಮೆ ದಿನ ಆಳ್ವಿಕೆ ನಡೆಸಿದ ಪ್ರಧಾನಿಗಳ ಪಟ್ಟಿಯಲ್ಲಿ ಮೊರಾರ್ಜಿ ದೇಸಾಯಿ, ಲಾಲ್ ಬಹಾದೂರ್ ಶಾಸ್ತ್ರಿ, ದೇವೇಗೌಡ ಇದ್ದಾರೆ.
| ಪ್ರಧಾನಿಗಳು | ದಿನಗಳು |
| ಜವಾಹರಲಾಲ್ ನೆಹರು | 6,130 |
| ಇಂದಿರಾ ಗಾಂಧಿ | 5,829 |
| ಮನಮೋಹನ್ ಸಿಂಗ್ | 3,656 |
| ಅಟಲ್ ಬಿಹಾರಿ ವಾಜಪೇಯಿ | 2,272 |
| ನರೇಂದ್ರ ಮೋದಿ | 2,272 * |
| ರಾಜೀವ್ ಗಾಂಧಿ | 1857 |
| ಪಿ.ವಿ.ನರಸಿಂಹ ರಾವ್ | 1791 |
| ಮೊರಾರ್ಜಿ ದೇಸಾಯಿ | 856 |
| ಲಾಲ್ ಬಹಾದುರ್ ಶಾಸ್ತ್ರಿ | 581 |
| ವಿ.ಪಿ.ಸಿಂಗ್ | 343 |
| ಐ.ಕೆ.ಗುಜ್ರಾಲ್ | 331 |
| ಹೆಚ್.ಡಿ.ದೇವೇಗೌಡ | 324 |
| ಚಂದ್ರಶೇಖರ್ | 223 |
| ಚರಣ್ ಸಿಂಗ್ | 170 |
| ಗುಲ್ಜಾರಿ ಲಾಲ್ ನಂದಾ | 26 |
Average Rating